ថ្ងៃសៅរ៍ ទី១៦ ខែមករា ឆ្នាំ២០៥០
គេហទំព័រ ព័ត៌មានដើមពោធិ៍ កំពុងធ្វើការផ្សាយសាកល្បង ដូច្នេះសូមប្រិយ៍មិត្តជួួយគាំទ្រ ។សូមទំនាក់ទំនងចាងហ្វាងការផ្សាយ តាមរយះទូរសព្ទ័លេខ ៖ ០៩៩ ៥៦ ១៦ ១៦ / ០៩៣ ២៥ ២១ ១៦ ឬ EMail ៈdpntvonline@gmail.com ៕សូមអគុណ!!!
កុំយកតួនាទីរបស់ខ្លួនទៅវាតទីយកទ្រព្យសម្បត្តិរបស់រដ្ឋ
Wed,25 December 2019 (Time 02:55 PM)
ដោយ ៖ គេហទំព័រដើមពោធិ៍ (ចំនួនអ្នកអាន: 662នាក់)


 

 

រាជធានី​ភ្នំពេញ ៖ យោងតាមបណ្តាញសង្គមហ្វេសប៊ុករបស់សម្តេចតេជោ ហ៊ុន សែន ចេញផ្សាយនៅថ្ងៃទី២៣ ខែធ្នូ ឆ្នាំ២០១៩ បានឲ្យដឹងថា នៅក្នុងពិធីបិទសន្និបាតគណៈចលនាមហាជននៃគណៈកម្មាធិការកណ្តាលគណបក្សប្រជាជនកម្ពុជា កាលពីល្ងាចថ្ងៃ ទី២២ ខែធ្នូ នៅកោះពេជ្រ សម្តេចតេជោ ហ៊ុន សែន ប្រធានគណបក្សប្រជាជន កម្ពុជា បានថ្លែងអំណរគុណយ៉ាងជ្រាលជ្រៅ បំផុត ដល់សមាជិកសមាជិកាគណបក្សប្រជាជនកម្ពុជាទូទាំងប្រទេស ព្រមសមាជិកសមាជិកាចលនាមហាជននៃគណៈកម្មាធិការកណ្តាល គណបក្ស ដែលបានចូលរួមសម្រេចបាននូវជោគជ័យធំៗជាច្រើនសម្រាប់ជាតិ មាតុភូមិ ។

 

សម្តេច​តេ​ជោ​នាយក​រដ្ឋមន្ត្រី ហ៊ុន សែន បាន​ជម្រុញ​ដល់​មន្ត្រី​ដែល កំពុងធ្វើការ​បម្រើ ​រាជរដ្ឋាភិបាល ត្រូវ​យកចិត្ត​ទុកដាក់​ចំពោះ​ប្រជា ពលរដ្ឋ​ក្នុង​ការ​ផ្តល់​សេវា​សា​ធារណៈ​ជូន​ពួក​គាត់ និង​ទទួល យក​សំណើ​នានា​ពី​ពួក​គាត់​ដើម្បី​បង្កើន​ជំនឿ​ជាក់​និង​បង្ក​ភាព​កក់ក្តៅ ។ អ្វី​ដែល​សម្តេច​តេ​ជោ ប្រធាន​គណ បក្ស​មិន​ភ្លេច​ធ្វើការ​ណែនាំ​នោះ​ គឺ ហាម​ដាច់ខាត​មន្ត្រី​បក្ស​មិន​ត្រូវ​យក​តួនាទី​ទៅ​វាតទី​យក​ទ្រព្យ សម្បត្តិ​រដ្ឋ​ធ្វើ​ជា​កម្មសិទ្ធិ​របស់​ខ្លួន​ឡើយ ។

 

សម្តេចតេជោ ហ៊ុន សែន បានបញ្ជាក់ផងដែរថា ដោយសារគណបក្សមានមាគា៍ដឹកនាំត្រឹមត្រូវ និងផ្តល់សិទ្ធិសេរីភាពពេញលេញដល់ ប្រជាពលរដ្ឋ មកទល់ពេលនេះគឺមានតែគណបក្សប្រជាជនកម្ពុជាមួយគត់ដែលទទួលបានការគាំទ្រពីប្រជាពលរដ្ឋគ្រប់ស្រទាប់វណ្ណៈ ក្នុងនោះក៏មានការចូលរួមពីគណបក្សនយោបាយនានាផងដែរ ដែលធ្វើឲ្យគណបក្សប្រជាជនកាន់តែរឹងមាំ និងបន្តឈ្នះឆ្នោត និងកាន់ តែរីកធំធាត់ទៅមុខជានិច្ច ។

 

សម្តេច​តេ​ជោ​បន្ត​ថា ច្បាស់​ណាស់​គឺ​គ្រប់​កាលៈទេសៈ​ទាំងអស់ គណបក្ស​ប្រជាជន​កម្ពុជា តែងតែ​នៅ​ជិត​ប្រជាពលរដ្ឋ ហើយ​ខិតខំ​ពង្រឹង​នូវ​សាមគ្គីភាព និង​ប្រមូល​នូវ​គ្រប់​ធនធាន​ទាំងឡាយ​ដើម្បី​ជំរុញ​ការ​កសាង អភិវឌ្ឍន៍ និង​ការពារ​មាតុភូមិ​ឲ្យ​កាន់តែ​រីក​ចម្រើន​ទៅ​មុខ ។ ទន្ទឹម​នឹង​នោះ គឺ​យើង​ត្រូវ​បន្ត​ចូលរួម​ថែរក្សា​ការពារ​សន្តិភាព និង​ស្ថិរភាព​នយោបាយ​សង្គម​ឲ្យ​បាន​រឹង​មាំ ដើម្បី​កម្ពុជា​កាន់តែ​មានឱកាស​អភិវឌ្ឍ​ប្រទេស​ជាតិ ។

 

ជាមួយគ្នានេះ សម្តេចតេជោ ហ៊ុន សែន ក៏បានរំឭកផងដែរដល់មន្ត្រីគឺហាមដាច់ខាតកុំយកតួនាទី ទៅវាតទីយកទ្រព្យសម្បត្តិរដ្ឋ ធ្វើជា របស់ខ្លួនដូចជា ការលុបដីសមុទ្រនៅខេត្តកោះកុងយកធ្វើជាទ្រព្យសម្បត្តិផ្ទាល់ ខ្លួនជាដើម។សម្តេចតេជោ ហ៊ុន សែន បានជូនពរដល់ មន្ត្រីថ្នាក់ដឹកនាំគណបក្សទាំងអស់ មានសុខភាពល្អ និងទទួលបានជោគជ័យថ្មីៗជាបន្តទៀត ក្នុង បេសកកម្មដឹកនាំបម្រើប្រទេសជាតិ និង បម្រើប្រជាពល រដ្ឋ ឲ្យទទួលបាននូវផលប្រយោជន៍កាន់តែច្រើនឡើងថែមទៀត នៅក្រោមអាណត្តិនៃការដឹកនាំរបស់គណ បក្ស ប្រជាជនកម្ពុជា ។

 

នៅ​ក្នុង​ឱកាស​នោះ សម្តេច​តេ​ជោ ហ៊ុន សែន ប្រធាន​គណបក្ស​ប្រជាជន​កម្ពុជា បាន​រំឭក​ដល់​មន្ត្រី​គណៈបក្ស ជា​ពិសេស​មន្ត្រី​ដែល​មានតួនាទី​កំពុង​បម្រើ​រាជរដ្ឋាភិបាល បន្ត​យកចិត្តទុកដាក់​បម្រើ​ប្រជា ពលរដ្ឋ​ឲ្យ​ទទួល​បាន​នូវ​សេវា​សាធារណៈ ក្នុង​នោះ​គឺ​មាន​ទាំង​សេវា​តម្រូវការ និង​សេវា​ចាំបាច់​នានា ព្រមទាំង​ទទួល យក​នូវ​សំណូមពរ​នានា​ពី​ប្រជាពលរដ្ឋ ដើម្បី​បង្កើន​នូវ​ជំនឿ​និង​ភាព​ក​ក់កក្តៅ​កាន់តែ​ខ្លាំង​ដល់​ប្រជាពលរដ្ឋ ៕

ព័ត៌មានគួរចាប់អារម្មណ៍

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ចេញសេចក្តីសម្រេច ដាក់ឲ្យប្រើប្រាស់សៀវភៅណែនាំ ស្ដីពី បែបបទ និងនីតិវិធីនៃការទទួល និងការសម្រុះសម្រួលដោះស្រាយបណ្ដឹង (គេហទំព័រដើមពោធិ៍)

ព័ត៌មានគួរចាប់អារម្មណ៍

លោកជំទាវ ទន់ សាអ៊ីម អនុរដ្ឋលេខាធិការ ក្រសួងអប់រំយុវជន និងកីឡា បានដង្ហែរអង្គកឋិនទានទៅវេរប្រគេនព្រះសង្ឃដែលគង់ចាំព្រះវស្សាអស់ត្រីមាស ក្នុងពុទ្ធសីម៉ាវត្តសាលាអណ្ដែត ស្ថិតនៅភូមិអូរអណ្ដូង ឃុំក្រាំងយ៉ូវ ស្រុកស្អាង ខេត្តកណ្ដាល (គេហទំព័រដើមពោធិ៍)

ព័ត៌មានគួរចាប់អារម្មណ៍

ប្រជាពលរដ្ឋចំនួន២០គ្រួសារដែលកំពុងរស់នៅអចិន្ត្រៃយ៏នៅចំណុចអន្លង់ប្រង់ ស្ថិតនៅភូមិព្រែកទល័ ឃុំទឹកថ្លា ស្រុកព្រៃនប់ ខេត្តព្រះសីហនុ មានការព្រួយបារម្មណ៏យ៉ាងខ្លាំង ដោយខ្លាចបាត់បង់ដីធ្លីលំនៅដ្ឋានរបស់ពួកគាត់ (គេហទំព័រដើមពោធិ៍)

ព័ត៌មានគួរចាប់អារម្មណ៍

សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ចេញសេចក្តីណែនាំ ស្តីពីកិច្ចសហប្រតិបត្តិការរវាងរាជរដ្ឋាភិបាល និងរដ្ឋបាលថ្នាក់ក្រោមជាតិ ជាមួយ សមាគម និងអង្គការមិនមែនរដ្ឋាភិបាលក្នុងស្រុក ព្រមទាំងសហគមន៍នានានៅមូលដ្ឋាន (គេហទំព័រដើមពោធិ៍)

ព័ត៌មានគួរចាប់អារម្មណ៍

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ណែនាំឲ្យមន្ទីររៀបចំដែនដីគ្រប់រាជធានី-ខេត្ត ឲ្យផ្ទេរការផ្ដល់សេវារបស់ខ្លួន មកដំណើរការតាមអង្គភាពច្រកចេញចូលតែមួយ (គេហទំព័រដើមពោធិ៍)

វីដែអូ

ចំនួនអ្នកទស្សនា

ថ្ងៃនេះ :
668 នាក់
ម្សិលមិញ :
1600 នាក់
សប្តាហ៍នេះ :
8665 នាក់
ខែនេះ :
30964 នាក់
3 ខែនេះ :
98208 នាក់
សរុប :
1054471 នាក់